എസ്.ഐ.യെ വനിതാ കോണ്‍സ്റ്റബിള്‍ കാറിടിപ്പിച്ച് കൊലപ്പെടുത്തി
1 min read
എസ്.ഐ.യെ വനിതാ കോണ്‍സ്റ്റബിള്‍ കാറിടിപ്പിച്ച് കൊലപ്പെടുത്തി രാജ്ഘട്ടിലെ എസ്.ഐ.യായ ദീപാങ്കര്‍ ഗൗതം ആണ് കൊല്ലപ്പെട്ടത്. സംഭവത്തില്‍ പാച്ചോര്‍ പോലീസ് സ്‌റ്റേഷനിലെ കോണ്‍സ്റ്റബിള്‍ പല്ലവി സൊളാങ്കി, കാമുകന്‍ കരുണ്‍ ഠാക്കൂര്‍ എന്നിവര്‍ പോലീസില്‍ കീഴടങ്ങി. ഇരുവരുടെയും അറസ്റ്റ് രേഖപ്പെടുത്തി
ചൊവ്വാഴ്ച രാത്രിയായിരുന്നു സംഭവം. രാജ്ഘട്ടിലെ ഒരു പെട്രോള്‍പമ്പിന് സമീപത്തുവെച്ചാണ് എസ്.ഐ.യെ പ്രതികള്‍ കാറിടിപ്പിച്ച് വീഴ്ത്തിയത് ഇടിച്ചിട്ടശേഷം എസ്.ഐ.യെ പ്രതികള്‍ കാറില്‍ വലിച്ചിഴക്കുകയുംചെയ്തു. പല്ലവിയാണ് കാറോടിച്ചിരുന്നത്. സംഭവത്തില്‍ തലയ്ക്കും കാലിനും ഗുരുതരമായി പരിക്കേറ്റ എസ്.ഐ.യെ ഭോപ്പാലിലെ ആശുപത്രിയില്‍ പ്രവേശിപ്പിച്ചെങ്കിലും ചികിത്സയിലിരിക്കെ മരിച്ചു. അതെ സമയം പല്ലവിയും കാറിലുണ്ടായിരുന്ന സുഹൃത്ത് കരണും സംഭവത്തിന് പിന്നാലെ പോലീസ് സ്‌റ്റേഷനിലെത്തി കീഴടങ്ങി കുറ്റംസമ്മതിക്കുകയായിരുന്നു.
About The Author
